香港新浪網 MySinaBlog
rose caka | 24th Mar 2015 | 一般 | (3 Reads)

**日本代購**

 

5月13會到東京,如要任何物件需代購,請詢問。

謝謝!

 

請儘快EMAIL至Rosecaka@gmail.com 

 

食物、化妝品、護膚品、藥品皆可!


rose caka | 22nd Nov 2014 | 一般 | (2 Reads)

Picture

 

試做原價:$388

現有試做券:$330 平郵免費 


rose caka | 19th Nov 2014 | 一般 | (5 Reads)

本人將於2月25日-3月1日到日本。

可代購藥妝或食品!

 

韓國、台灣可先EMAIL我要哪些貨品,不定期會飛去日、韓、台。

太大件或太重的恕不接受,食品或藥妝為佳。

衣物或生活用品皆可。

 

 

任何詢問可EMAIL至 rosecaka@gmail.com


rose caka | 1st Nov 2014 | 吃在元朗 | (93 Reads)

 Picture

 呢間野真係唔易搵(其實係個地圖app有問題),

好彩個fd出黎接我。

都幾多人,所以要齊人先入得。 

 Picture  

好快就黎左個烘多士,咁都無咩特別,

普通麵包烘左,加牛油姐,但牛油嫌淡左d。 

 Picture

 白湯:淡,好似罐頭湯加左好多水咁,完全無咩味!我只飲左幾啖!

 

Picture 

我地叫左德國咸豬手、豬排(洋蔥汁)、牛柳(洋蔥汁)、牛柳(黑椒汁)

全部都跟薯菜,轉飯及意粉加 $7,我地全部飲凍朱古力。

唔使加錢,但個朱古力好甜,同佢個粉應該同麥當勞個隻係一樣,

唔好飲。

 

Picture 

個豬手咸左d,但皮好煙韌,肉都好軟熟,同埋嫩嘅!

 

Picture 

呢個係洋蔥牛柳,食左少少,都係ok!!牛味一般,

但因為厚,所以都幾唔錯。 

Picture 

 我自己食嘅係豬排,好surprise!

厚度當然比平時出去食厚好多啦!

咬落唔乾,有汁,又嫩滑,

旁邊個位似筋位,因為唔油,但因為兩塊,

我食左一塊就已經覺得好"漏",但因為真係好食,

同佢個口感,係第一口咬落係旁邊嘅煙韌, 之後係豬肉香味,再係軟嫩嘅感覺,

係無一個位係乾左架!

 

總括黎講:除左d排,其他無野好食。烹調手法幾好,但唔好期望$78-98一塊排,佢比你的來貨品係靚貨,應該都係普通牛肉黎。但值得一試。 

 

地址:元朗仁樂坊5號地下(元朗轉輕鐵,係康樂路落,會見到匯豐同中銀,就係個條路行入去。)

           2479 5885 


rose caka | 25th Oct 2014 | 吃在中環 | (11 Reads)

最初,知道Gordon Ramsay黎開餐廳,我勁開心。

咁基本上佢9月18日開,我16號打去。

我想早D試,佢仲有6號同17號,咁我揀左5號先。

之後我D FD話星期五好似好D,不如17啦,咁就打去改。

前後其實都係5-7分鐘,佢10月已經full左,真係快。

我都有矛盾架!佢都唔平!好驚去係食名氣,D野麻麻地!

但真係好驚喜!好耐未試過連汁都想食埋佢,我地4個係讚不絕口!(當然都可以話我地少食好野嘅!^^)

 

 Picture

 因為我地去的時間好急,過埋10分鐘留位咁制!

唔得閒再搵,咁本身酒店架電梯上唔到3樓。

我地以為有另一架啦!我地推開防煙門,係有一架!

入到去好舊,我地諗應該係貨lift。 

 原來係係餐廳廚房,勁樣衰,其他D客人望住左我地!

裝修其實都幾英國小餐館的味道,我覺得唔好睇佢咁貴!

但開得係蘭桂坊,又唔係西餐廳!咁環境係會吵D!

係有D融合餐館同酒館咁!

有輕音樂,大部份都係外國侍應!

我地由開始到結束都係由一位侍應serve我地!

D侍應都幾靚仔架!HAHA 

  Picture        Picture 

叫的菜未上之前,就有一籃包上黎。

其實佢嘅麵包外層咬側邊個陣好硬。

但真係放入口咀嚼個陣好脆,入面好軟熟,都幾香架!唔錯!

Picture 

sea bass carpaccio with avocado, horseradish, ginger

 係生的海鱸魚,佢成個檸檬味好重!

好香的檸檬,我第一個念頭係點解佢D檸檬咁正!比我係百佳、吉之島買個D好好多!

因為唔算好酸,但檸檬味好強!我個人認為檸檬味蓋過左D魚味,

但我另外三位朋友話好好食,所以都可能係我個人口味問題。

 

Picture

香煎帶子伴蘿蔔蓉

 講真,我自己好怕紅蘿蔔陣味!

但人地係一齊上,咁唯有照試啦!

點之一入口,哇!amazing!個蘿蔔蓉好好味啊!

好creamy,好細滑,完全無左紅蘿蔔個陣味,

我諗佢有加D茄膏,感覺上食到陣番茄香!搞到我連碟上個D醬都想食埋!

個帶子係外脆內軟,岩岩好!

煎的香味,帶子旳鮮味同甜味都完全食到!

外層有一層薄鹽,岩岩食個陣覺得有D鹹,但當咬完後就覺得融合得好好!

搞到我地最後想叫多次的頭盤之一!

 Picture

   Roasted baby chicken

我地仲以為係半隻雞,好KAI!

個半隻燒檸檬幾油,HA!但都係擠汁落去雞排度!

雞味都濃架,又嫩又JUICY!加上烤過的檸檬比鮮榨檸檬更有香味!

D香草提升左道菜的層次感!

 

Picture

Drgley pork chops 10Oz.

淋左個汁先,豬肉非全熟的,仲帶有少許粉紅!

所以食落確係有少許腥味架!但咁先令到豬肉軟熟、JUICY同豬肉味濃!

其實你點多D醬,咁𡰗無咩腥味!

我同朋友好鐘意,將豬肉係咁係盤中好似拖地咁,係咁拖D醬,因為D醬真係太好味!

唯一令我覺得不足嘅係,佢嘅醬太少喇!

佢係咩醬汁我唔太清楚,但蒜味就好香!

 Picture

   芝士焗通粉

 一定要熱食,佢用PAN上,所以上黎個陣超熱!

入口個陣,芝士味好香,通粉煮得岩岩好!

一齊食,超級融合,味道勁正!

但如果暖食就無左個風味,同時芝士味淡左好多。

 

Picture 

 banana sticky toffee pudding with Muscovado caramel and clotted cream

本身好想試,因為睇電視節目話佢呢個甜品算係佢招牌!

但當叫個陣,又驚佢好甜,又cream、又拖肥、仲有焦糖醬,

基本上我係唔鐘意他肥同焦糖架係某程度上,

我怕佢地會好甜,但我朋友想試,OK,叫左!

完完全全無後悔,首先需要cream、布甸、同D醬一齊食,

cream,當然係creamy,好滑,好香同埋凍。

布甸,佢當然唔同我地平時食開個D雞蛋布甸,

佢係類似蛋糕的口感,暖暖地,鬆軟,好易入口,

好正、好香,我諗係用黑糖,因為佢個種甜,唔似白糖可以做出黎!

個醬當然係偏甜架,但亦無坊間咁甜!但個濃稠度岩岩好,唔會因為摁左陣而變得太稠,

又唔會稀到周圍走。

但當三種野一齊食,就係Perfect!

凍-creamy-暖-鬆軟-香濃

 好有層次,哇!我朋友將佢僅餘的焦糖醬刮埋黎食!好勁!

 Picture

     Eton Mess

 話就話係雪糕,其實更似cream!

士多啤朵好酸,但個D蛋白餅好好食啊!

但我覺得佢太多薄荷葉!

其實當你食到薄荷葉(當然食到個陣好似牙膏咁), 雖然過濃,但真係提高左層次,

當你口中仲有薄荷的涼,第二、第三啖就覺得好正!

但佢落得太多,以致於好多啖都有太濃的薄荷味!

呢道唔錯,但太少cream喇!哈!好肥!

 

Totally:食左$1075。我地四個人去食,都飽架!

  地址:中環雲咸街33號蘭桂芳酒店M層(記住係由樓梯上,唔係就會好似我地咁瘀)


rose caka | 14th Oct 2014 | 吃在銅鑼灣 | (129 Reads)

Picture

 

煥林粉麵食店

 夾仔餅 @ $13

銅鑼灣摩頓台33號地下  

一間係豪宅下,中央圖書館旁平平無奇,就好似平時你去買魚蛋燒賣嘅小店,

我上星期去左銅鑼灣幫手,個豪宅好多都要行好斜,我搭小巴上。

但平時好懶嘅我,無啦啦放工又想行落去試下。

就比我經過呢間小店,平平無奇,但出面好多人。

咁岩餓,望住,好想食格仔餅,叫左一個。

佢要等4分鐘(每一個),好香,好香…

我等個陣又叫左串貢丸食,佢炸嘅!

好熱,加左D沙嗲,我自己又加左少少蜜糖,好似燒烤咁,好鐘意。

終於,格子餅得喇!哇,熱辣辣,要成日換手。

但咁熱食真係好正,好過好多整晒攤左係度,你買先放係爐上㷫暖嘅格餅。

佢左薄脆外層,所謂薄,真係一下架咋,咬落去個一刻,

之後就係軟軟香香的內層,咁薄令你好想快D吞左口個啖,再食,感受多次脆軟口感。

佢同北角雞蛋仔唔同,北角雞蛋仔係脆得好勁,但內面的餡其實好少,而且淡。

但就因為佢外層只係薄脆,入面充滿晒麵餡料,除左第一啖,

之後啖啖都食到醬汁(花生醬、煉奶),仲好爆,勁多醬。

多到我食完一啖,睇到中間D醬係「必」出黎。emotion

脆軟,入味,醬汁融合到個綿軟的麵餡入面,鹹鹹甜甜咁,好正!

 呢間鋪絕對係我意外收穫!

我最後一次係個邊幫手,我都專登食多次!

建議大家可試試,支持下小店!emotion佢真係你叫佢先整!

 如果你face中央圖書館,佢就係右手邊,行過D條小路對面。

如果你咁岩係圖書館出黎,就望下你左手邊,有棟好舊樓,佢就係地下。

 


rose caka | 10th Oct 2014 | 吃在銅鑼灣 | (11 Reads)

  

 

四喜烤麩

 

味道不錯,不太咸,入口很香。

入味,有菇味,個人會再叫。

 

 

招牌小籠包


包薄得來,夾起卻不會破。

輕輕咬破表皮,汁就會逼不及待流出。

有肉香,適口大小,肉末切得細碎。

但不及台灣,畢竟豬肉來源地不一。

台灣有自養豬,新鮮,好味。

香港的是內地豬,鮮味當然降一層。

 

 

 

                                             黑松露小籠包

 

                                 其餘的我都忘了價錢,唯有這個記得。

                                     因為埋單才知這籠要價 $188(加一)                  

                             十分後悔,因為黑松露並不香,而且比較鹹。

                         整體無肉香、黑松露不特出、味道很鹹,不好吃。

 

 

 

排骨湯麵

 

另一個後悔,早知叫排骨炒飯。

麵及湯無特色,麵連蛋味、麵粉味都沒有,味如嚼蜡。

但排骨卻很好吃,雖然薄,但軟腍、香、肉香很濃厚。

很想單叫,但朋友說單叫不抵,因為一塊都要 $49-59。

很懷念,一定再叫。

 

 

糯米燒賣

 

很飽滿,很實在。

咬下一刻,很濃香的糯米味,糯米煮得很腍。

小籠包皮煙韌,入面紮實。

雖然無肉,但我自己很喜歡吃。

 

 

埋單:約$500

 

銅鑼灣鼎泰豐

  銅鑼灣怡和街68號地下


rose caka | 10th Oct 2014 | 零食 | (54 Reads)

Picture     Picture

         善字金裝貝柱魚肉腸                     Pianta帆立貝魚肉腸

        @ 759阿信屋 $9                         @ 759阿信屋 $9.7

 

兩種魚肉腸基本材料都係用鱈魚肉做的,都係頂端有塊紅色紙,撕開佢,再拎住頭頂銀色個位向後拗,就會好易開到。

 「善」牌: 就比較軟D,但帆立貝味香D,同埋真D。佢係比平時食的腸大2-2.5倍                  的,所以口感厚實,很滿足的。嘴嚼間可以咬到一絲元貝絲,應該就係類                似磯燒元貝個類,每一啖都食到。

 「善」牌我比7分,大條,睇落都抵D,最緊要係真係有元貝絲,食落有層次。

 

「Pianta」:入面係兩條細條的魚肉腸。本來應該無上面咁厚實,因為好幼,但唔係                   架!因為佢幾有彈牙,有咬口,所以咬個陣一樣咁滿足。佢有D綠色物                   體,未研究到係咩黎。佢就無元貝絲的,食個陣都感覺到係來自帆立貝                   味精/精華,但都OK! 

「Pianta」我比5分,岩岩合格,食得過,但就貴左D,咁我寧願食「善」牌。 


rose caka | 7th Oct 2014 | 吃在銅鑼灣 | (8 Reads)

 Picture          Picture                Picture

 一入去就係好黑,好浪漫的一個地方。

亦伴有輕音樂,好relax!

其實我地無book位,但個帶位姐姐都幫我搵左個位,但就要7:30前食晒。

咁都有個幾鐘,OK!來得緊係要睇佢畫啦!

有一個凍湯、一個畫布甜品、一杯野食。 

得Improvisation先係有廚師係面前畫,兩人食都OK!

 

Picture 

西瓜海鹽凍湯

個廚師話比我地清清個味蕾!

好好飲,好fresh!我初初以為有青瓜,因為有瓜味。

但我地之後諗應該係瓜皮,加左海鹽,鹽鹽甜甜咁!

清涼,清爽,我好鐘意,但兩啖就飲晒!

 

 

 Picture

 Improvisation 

材料太多,我盡列啦!

中間白色的是用液態氮造出來的雪葩!外脆,入面咬開後就是雪葩的感覺。

檸檬味尚可,但在口溶化時,覺得太甜了!

旁邊黑色的是朱古力雪糕(可以兩溝),都係外脆內軟。

好似雪糕架都!但都幾快溶!

咁多醬汁同細粒的食物,佢地好細心準備左比較薄身的匙羮。

 朱古力醬,香甜,但不算濃厚。

綠茶mochi,唔似糯米糍煙韌,好易咬開。

我個人喜歡,但朋友認為外面抹茶粉太苦,我還好,因為裏面是甜的,可中和。

檸檬慕絲,主打係廚師在你面前以食物畫畫,我也沒期待多頂級。

這個慕絲很滑,比市面上的慕絲蛋糕更滑,但味道不特出(我們吃時已不凍)。

D cream係肉桂味,我個都不愛肉桂,認為很怪。

honey corns,入口還好,咬開很大陣粟米片味,個人不喜,但喜歡吃粟米片的人可叫他下多一些,都幾脆。

 蛋白餅很好吃,不甜,但鬆化,入口即溶,加少許朱古力醬或血橙醬,再加少許紅色紅莓味碎碎都好好食。

 中間有D朱古力竹炭片,入一口一刻有朱古力香,但真係一刻,之後就係竹炭個陣古怪的味。

 總括黎講係一個好特別的經驗,佢係你面前畫個刻,就覺得好開心。

每個廚師畫的都不一樣,你可以話比佢知你鐘意食咩,唔鐘意食咩,或者鐘意咩色!

佢個按你要求加多或減少材料,完成創作。

朋友話似有野跑緊,我覺得好似有隻肥馬奔跑中。 

畫靚與唔靚就見人見智啦! 

 Picture      Picture      Picture

 飲品叫左Mocha同75%朱古力。

因為兩杯都無加糖飲,所以都幾苦架!

Mocha有奶,都幾香!咁始終佢都唔係飲coffee的地方。

朱古力,除左苦,唔係好嘗到朱古力香,仲要加$20。

之後夠7:30,要比返個位人。

職員都安排我地坐係梳化,望下街景都唔錯係咪?

 

 

P.S.但個廚師畫畫下又去招呼剛來的客人(因接待姐姐唔知去左邊),咁成人係停,令我地畫得好慢,又好似唔太專心LO。

 地址:

Atum @銅鑼灣駱克道459-461號The L. Square 16樓

 

如有興趣,可睇快轉片。

 

 

 


rose caka | 28th Sep 2014 | 吃在將軍澳 | (11 Reads)

 Picture           Picture   

                 Picture              Picture

 蟹黃小籠包

 哇!真係皮薄,薄到…穿左。

一上台就咁睇,就知好多汁,但咁扁我都怕佢拎唔起。

果然,拎起,一秒:皮裂,兩秒:即跌落碗中。

皮薄但不堅韌;汁多而無蟹味。 

 底皮一入口都係軟軟爛爛,頂部就硬得制。

湯汁有鮮味、香。但無咩蟹黃味,十幾廿蚊,都唔會有期待,但又未至於咁差,唉!

肉末唔細,仲有小骨。有薑絲,但就食唔出薑味。

完全唔掂,岩岩開始有就咁差,應該無人會食第二次。 

 

      Picture          Picture

黑松露小籠包

 呢個湯汁比較小,1/3匙羮。

皮都算薄,頂層都係硬,有D黑松露醬裝飾。

一咬開有少少黑松露味道,因為肉加左黑松露醬混合醃制。

湯汁普通,但因為咁,但食得到少許肉味。

咁肉其實都係同一隻肉姐,都係有骨的。

 

 Picture 

炒腸粉

 唔,好香炒的味,但真係好油。

油到一入口成口油,味道無咩特別。

我食左一啖。

唔健康得黎,又唔好食。 

 

Picture 

 豉椒蒸排骨

 排骨多數都係骨外圍有少許肉的,只有1,2舊係淨肉帶少許軟骨。

夠軟腍,又唔係散同爛的。 

下面鋪有芋頭,芋頭味香。

兩樣都好入味,好大陣蒜香味,但我食到其中一舊排骨,有D"油憶"味。 

之後就無食。

 

P.S 小籠包有一小段短視頻,可參考。

 

 

 

 海港酒家 @ 將軍澳新都城一期2樓208號舖


Next